मनकारी अर्जुन यसरी बन्दैछन दुखीका भगवान
समाजसेवालाई आफुलाई भन्दा बढी महत्व दिने मान्छे बिरलै हुन्छन।धन कमाउने नशाले रन्थनिएकाले मानबियता भुल्ने र अपराध गरेका घटना प्रसस्तै सुनिन्छन।तर कोही कोही यति मनकारी र अरुको समस्यालाई आफ्नै ठान्ने हुन्छन त्यस्ताको संख्या अति कम छ। हो त्यस्तै समस्यामा परेकाहरुका लागी भगवान झैँ प्रकट भएर सहयोग गर्नेको औलामा गन्न सकिने सुचीको अग्र भागमा चिनिएका ब्यक्ती हुन् अर्जुन खड्का।
काठमाडौँ धुम्बाराहीमा जन्मेर अमेरिकामा २५ बर्ष यता बाट बसोबास गर्दै आएका खड्का प्रत्येक बर्ष नेपाल आएर बिचल्लीमा परेका र दुख पाएका हरुलाई सहयोग गर्ने गर्छन। पबित्र सेवा समाज सस्थालाई सहयोग गरेका छन। जहाँ अनाथ बालबालिका र असहायलाई पाल्ने गरिन्छ। त्यो बाहेक क्यान्सर रोगले थलिएका,दुवै मृगौला काम नलाग्ने भएकालाई उपचारका लागी आर्थिक सहायता समेत गर्ने गरेका छन।
