वाम एकतापछि सेना रातारात यसरी भयो सक्रिय, प्रधानसेनापतिले चाल्दै छन यस्तो कदम,को-को नेता भए सशंकित
देशमा वामपन्थी एकतौसँगै नेपाली सेना एकाएक सक्रिय भएको छ । प्रधानसेनापति राजेन्द्र क्षत्रीले पछिल्लो राजनीतिक परिदृश्यलाई मध्यनजर गर्दै देशभरीका (७ वटै प्रदेशका) पृतनापतिलाई सेनाको मुख्यालय जंगी अड्डामा बोलाएर छलफल थालेका हुन् । साथै उनले पूर्व प्रधानसेनापतिसँग पनि परामर्श थालेको स्रोतले बतायो ।
प्रधानसेनापति क्षत्रीले तराई–मधेसको कमाण्डिङ गरिरहेका पृतनापति ईश्वर हमाललाई अकस्मात काठमाडौं बोलाएका छन् । हमालसँग देशको वर्तमान राजनीतीक अवस्था, मधेसको परिदृश्य, हिन्दु राष्ट्रको सम्भावना लगायतका विषयमा छलफल गरेको स्रोतले बतायो ।
सेना अहिले पनि हिन्दू राष्ट्रको पक्षमा छ । र, संवैधानिक राजसंस्था फर्किने अवस्था आए साथ दिने पक्षमा समेत छ । तर, उसको मुख्य चाहना भनेको हिन्दू राष्ट्र नै हो । यस्तो अवस्थामा भएको वाम एकताले यो चाहना पूरा नहुने भएपछि सेना सक्रिय भएको जंगी अड्डाका एक उच्च अधिकारीले बताए । ‘कम्युनिष्टहरु सत्तामा आएको अवस्थामा हिन्दू राष्ट्रको मुद्दा र राष्ट्रिय एकता लगायतका विषय के हुन्छन्, देश विखण्डनको दिशातर्फ, द्वन्द्वको दिशातर्फ जान्छ भन्नेतर्फ चीफ सापको चिन्ता छ,’ जंगी अड्डाका ती अधिकारीले भने, ‘उहाँले पूर्व चीफहरु, देश भरिकै पृतनापतिहरुलाई बोलाएर छलफल तथा परामर्श गरिरहनुभएको छ । छिट्टै कुनै कदम चाल्नुहुन्छ जस्तो लाग्छ ।’
