डिआइजी नवराज सिलवालको गृहमन्त्री बन्ने यात्रा यसरी भयो सुरु,ओलीले के-के गर्दिए ?
नेपाल प्रहरीका पूर्व डिआइजी नवराज सिलवाल नेकपा (एमाले) मा प्रवेश गरेका छन् ।
एक औपचारिक कार्यक्रमकाबिच आज सिलवाल एमालेमा प्रवेश गरेका हुन् । केहि बेर अघी काठमाडौं जिल्ला कमिटीले आयोजना गर्ने कार्यक्रमबाट सिलवाल एमाले प्रवेश गरेका हुन्। कार्यक्रम बानेश्वस्थित क्वालिटी बैक्वेटमा आयोजना गरिएको हो ।
सिलवाल ओलीकै हातबाट अबिर पहिरिएर एमालेमा प्रवेशसँगै सक्रिय राजनीतिमा लाग्ने भएका हुन् । डिआइजी वरियतामा एक नम्बरमा रहेका सिलवाललाई प्रचण्ड र देउवा सरकारले आइजीपी हुनबाट रोकेको थियो ।
साथै सिलवाल यो प्रकरणसँगै सर्वाेच्च अदालत गएका थिए । अदालतमा मुद्धा हारेपछि सिलवालले डिआजइजीबाट राजिनामा दिएका थिए । यद्यपी उनको राजिनामा भने स्विकृत भएको छैन् ।
सिलवाल एमालेमा प्रवेशसँगै प्रतिनिधि सभा सदस्यका लागि उम्मेदवार बन्ने चर्चा अहिले एमाले वृतमा चल्न थालेको छ । सिलवाल सांसदमा निर्वाचित भए भावी गृहमन्त्री बन्ने समेत चर्चा परिचर्चा हुन थालेको छ । केही समय अघि एमाले अध्यक्ष केपी ओलीलेसमेत सिलवाललाई गृहमन्त्री बनाउने कुरा गरेका थिए ।
