सखुवानन्कारकट्टी गाउँपालिकामा एमालेको जित

सिरहाको सखुवानन्कारकट्टी गाउँपालिमा एमालेले जित हा पारेको छ । एमालेबाट अध्यक्ष केदारनाथ यादव र उपाध्यक्ष अमलादेवी यादव विजयी भएका हुन।

निकटतम प्रतिस्पर्धी संघीय समाजवादी फोरमका उम्मेदवार रामनाराण यादवलाई ८ सय ८८ मतअन्तरले पराजित गर्दै केदार विजयी भएको निर्वाचन अधिकृत गोपिलाल नेपालले जानकारी दिए । केदारले ३१ सय ५५ मत प्राप्त गरेका छन् भने प्रतिस्पर्धी रामनारायणले २२ सय ६७ मत ल्याएका छन् ।

यसैगरी, एमालेबाट उपाध्यक्ष उम्मेदवार अमलादेवी यादवले २९ सय ३८ मत ल्याएर विजयी भएकी छिन् । उनको प्रतिस्पर्धी संघीय समाजवादी फोरमकी शोभा कुमारी यादवले २३ सय २८ मत ल्याएकी छिन् ।