८८ किलो सुन तस्करीको अारोपमा प्रहरीको कब्जामा परेका यी हुन् पाँच भाई

हाम्रो इकोनोमि

८८ किलो सुन तस्करीको आरोपमा प्रहरीले थप पाँच जनालाई पक्राउ गरेको छ।

महानगरीय अपराध महाशाखाको टोलीले बांगेमुढास्थित शाक्य सुनचाँदी पसलका सुगतरत्न शाक्य, पशुपति सुनचाँदी खार्नी पसलका नन्दकुमार मर्ग, नरदेवीस्थित रविश्याम ट्रेडर्सका सत्यनाराय अग्रलाल, कार्यविनायक सुनचाँदी गहना पसलका गणेशदत्त गुरुङ र सिद्धनाथ सुनचाँदी खार्नीका उल्लास दिनकर सालुखेलाई सुन तस्करीमा संलग्न रहेको आरोपमा बुधबार पक्राउ गरेको हो।

गत भदौ १९ गते काठमाडौंको क्षेत्रपाटीबाट प्रहरीले ८८ किलो सुन बरामद गरेको थियो। प्रहरीको टोलीले यसअघि बा १७ च ६४२७ नम्बरको टाटा सफारी गाडीसहित मकवानपुर गढी गाउँपालिकाका २४ वर्षीय मनोज अधिकारीलाई पक्राउ गरेको थियो।