उपेन्द्रले राजेन्द्रको जिल्लामा किल्ला गाडे,बिमलेन्द्रलाई आफ्नै गाउँमा झट्का,एमालेले जिते पछी कांग्रेस भित्र बबाल
राजेन्द्र महताको गृहजिल्ला सर्लाहीमा उपेन्द्र यादवको पार्टीले सानदार जित हात पारेको छ ।
सर्लाहीको बरहथवा नगरपालिका १८ नम्बर वडामा संघीय समाजवादी फोरम नेपालको पुरै प्यानल विजयी भएको हो ।
फोरम नेपालबाट वडाध्यक्षका उम्मेदवार मुनेश्वर यादव २ सय ८३ मत ल्याएर विजयी भए । सदस्यहरुमा पुरै फोरमका उम्मेदवारले जिते ।
नेकपा एमालेले धनुषामा बिजयी सुरुवात गरेको छ । प्रदेश २ मा सम्पन्न भएको तेस्रो चरणको स्थानीय तह निर्वाचन अन्तर्गत धनुषामा हालसम्म तीन वडाअध्यक्षमा नेकपा एमालेले जीत हासिल गरेको हो ।
उता नेपाली कांग्रेसका प्रभावशाली नेता विमलेन्द्रको गाउँ मुखियापट्टी मुसहरनिया गाउँपालिका र हंशपुर नगरपालिकामा एमालेले वडाध्यक्ष जितेको छ ।
हंशपुर– १ मा एमाले उम्मेदवार कामेश्वर कापर वडाध्यक्ष निर्वाचित भए । त्यस्तै, विमलेन्द्र निधिको गृहनगर मुखियापट्टी मुसहरनियामाको १ नम्बर वडामा एमालेका कौशल यादव र २ नम्बरमा नरेश यादव वडाध्यक्ष निर्वाचित भए ।
निधिको गृहनगरमा एमालेको प्यानलै विजयी भएको निर्वाचन कार्यालयले जनाएको छ । आफ्नै गाउँमा एमाले विजयी भएपछि निधि तनावमा परेका छन् । कार्यकर्ता पनि निराश भएका छन् ।
सो गाउँमा प्रहरीले मतदान अवधीभर घरमै बस्न वा गाउँ छाडेर जान एमाले कार्यकर्तालाई उर्दी जारी गरेको थियो ।
