प्रचण्डले भने-म त्यस्तो बाघ हुँ,मलाई कमजोर पारे सबै सिद्धिन्छन्



नेकपा (माओवादी) केन्द्रका अध्यक्ष पुष्पकमल दाहाल ‘प्रचण्ड’ले आफूलाई कमजोर पारे सबै सिद्धिने चेतावनी दिएका छन् । माओवादी पार्टी र त्यसको नेतृत्वलाई कमजोर बनाउन प्रतिक्रियावादी ताकतहरु हावी हुने खतरा उनले औंल्याए । उनले आफुलाई राजनितीको बाघका रुपमा चित्रण गरेका थिए।

काठमाण्डुको जमलस्थित राष्ट्रिय नाचघरमा विप्लव, वैद्य र संघीय फोरमका बिभिन्न नेता कार्यकर्ताहरुलाई पार्टी प्रवेश गराउँदै प्रचण्डले परिवर्तनकारी माओवादी पार्टीहरु एकताबद्ध हुनुपर्नेमा जोड दिए ।
‘माओवादीलाई बिभाजन गर्नु, माओवादीबाट अलग जानु या प्रचण्डलाई कमजोर पार्नु भनेको हामी सबै सिद्धिनु हो’, कार्यक्रममा प्रचण्डले भने ।
माओवादी एकता र ध्रुवीकरण प्रक्रिया अगाडि बढेको भन्दै उनले अबका केही वर्षभित्रै माओवादी पुनः सबैभन्दा शक्तिशाली हुने र देशको नेतृत्व गर्ने दाबी गरे ।

‘तपाईं हाम्रा सपनाहरु एकतामा मात्रै साकार हुनेछन्, बिभाजनबाट होइन,’ प्रचण्डले भने, ‘अहिले जारी एकता र ध्रविकरणको प्रक्रिया आउँदो प्रदेश र प्रतिनिधिसभा चुनावमा झन् बढेर जाने छ । र, केही महिना र एकाध वर्षभित्र फेरि माओवादी आन्दोलन देशको शक्तिशाली परिवर्तनकारी क्रान्तिकारी आन्दोलनको रुपमा यो राष्ट्रको नेतृत्वको गर्ने तागतको रुपमा पुनगर्ठित हुने छ ।’

माओवादीलाई पुनर्गठित गर्ने प्रक्रियामा जस्तोसुकै तपस्या गर्न परे पनि तयार हुने प्रचण्डले बताए ।
अहिले पार्टी बिभाजनको भयानक पीडाबाट फेरि एकपटक शक्तिशाली हुने अभियानको नेतृत्व गर्ने ऐतिहासिक गौरव आफूलाई प्राप्त भएको भन्दै प्रचण्डले भने, ‘म धेरै ठूलो ऋणी भएको छु । जिम्मेवारी अझ बढेको छ । जबसम्म यो देशमा उत्पीडित जाति क्षेत्र समुदायको हक अधिकारहरु प्राप्त हुँदैनन्, एउटा समतामुलक सामाजिक न्यायसहितको नयाँ नेपाल बनाउने क्रम पूरा हुँदैन तबसम्म म विश्राम लिने छैन ।’

मधेसमा माओवादी आन्दोलन कमजोर भयो भने मधेसले हार्छ भन्ने चेतना पैदा भन्दै उनले यो माओवादी केन्द्रलाई निकै ठूलो गर्व र खुसीको कुरा भएको बताए ।
प्रचण्डले भने, ‘यो एउटा मिसन हो, यो एउटा यात्रा हो । माओवादी आन्दोलन बलियो भएन भने मधेसी बलियो हुँदैनन् । मजदुर किसान बलियो हुँदैनन् । आदिवासी जनजाती बलियो हुँदैनन् । दलित, महिला, मधेसी, मुस्लिम बलियो हुँदैनन् । यो देशका सबै उत्पीडित वर्ग क्षेत्र, समुदाय बलियो हुँदैनन् । यो चेतनाद्वारा जुन नयाँ ध्रुविकरणको प्रक्रियालाई तार्किक निष्कर्षमा पुर्‍याउने बित्तिकै यो राष्ट्रको परिवर्तन, समाजवाद तिरको यात्रा, शक्तिशाली ढंगले अगाडि बढ्ने छ ।’

कार्यक्रममा संघीय समाजवादी फोरमका सचिवालय सदस्य नवीन रोका, नेकपाका नेताहरु मोहन न्यौपाने र मेखबहादुर विक र वैद्य माओवादीका थमानसिंह तामाङको नेतृत्वको टोली माओवादी केन्द्रमा प्रवेश गरेको छ ।

प्रतिक्रिया दिनुहोस
राष्ट्रिय सभा सदस्यमा अन्जान शाक्य मनोनीत

     राष्ट्रिय सभा सदस्यमा डा. अन्जान शाक्य मनोनीत भएकी छन् । मन्त्रिपरिषद्को

देउवा-माधवको गठबन्धनमा १३८ सीट पुर्‍यउने सहमती

  नेपाली कांग्रेसका सभापति शेरबहादुर देउवा र नेकपा एकीकृत समाजवादीका अध्यक्ष माधव नेपालबीच

शेरबहादुर देउवा र माधव नेपालबीच भेटवार्ता

     नेपाली कांग्रेसका सभापति शेरबहादुर देउवा र एकीकृत समाजवादीका अध्यक्ष माधव कुमार

लुम्बिनी प्रदेशमा मिल्यो भागबण्डा

    लुम्बिनी प्रदेशमा आज सरकार विस्तार हुने भएको छ ।  चैत २३