एडीबीले चितवन देखि भारतको सिमा जोड्ने ‘चेपाङ मार्ग’ निर्माण गर्ने
एसियाली विकास बैंक (एडीबी)ले चेपाङ राजमार्ग बनाउनलाई सहयोग गर्ने भएको छ । बैंकले भारत सीमावर्ती ठोरीबाट चीन सीमाको रसुवागढी जोड्ने ‘चेपाङ मार्ग’को स्तरोन्नतीका लागि लगानी गर्ने भएको हो। अहिले उक्त मार्गको ट्रयाक खुलिसकेको छ । स्तरोन्नतीका लागि विस्तृत परियोजना प्रतिवेदन (डीपीआर) निर्माणका लागि परामर्शदाता नियुक्तिको प्रक्रिया अगाडि बढेको छ ।
अहिले उक्त मार्गको दूरि ६१ किलोमिटर छ । १० किमि घटाएर फराकिलो बनाउन केही स्थानमा ट्रयाक परिवर्तन र केहीमा सुरूङ निर्माणको तयारी छ । चितवन क्षेत्र नम्बर १ का सांसद तथा पूर्वअर्थमन्त्री सुरेन्द्र पाण्डेका अनुसार सन् २०१९ देखि उक्त मार्गको स्तरोन्नती सुरु हुनेछ । दुई लेनको सडक तयार पार्ने योजना रहेको छ ।
