कांग्रेसको योजना तुहियो,भ्रष्टाचारीलाई चुनाब लड्न दिनुपर्ने संशोधन स्वीकृत भएन



भ्रष्टाचारको दोषी व्यक्तिले कैद सजाय भुक्तान गरेको मितिले तीन वर्षपछि निर्वाचनमा भाग लिन पाउने गरी प्रतिनिधि सभा निर्वाचनसम्बन्धि विधेयकमा गराउन खोजिएको विधेयक अस्वीकृत भएको छ । व्यवस्थापिका संसदको राज्यव्यवस्था समितिको जारी बैठकमा संशोधनलाई अस्वीकृत गरी विधेयक पारित गराउने सहमति भएको समिति स्रोतले जनाएको छ ।

कांग्रेसका केही सांसदहरुले विधेयकमा भएको भ्रष्टाचारीले कैद भुक्तान गरेपछि ६ वर्षसम्म चुनाव लड्न नपाउने व्यवस्थालाई घटाएर तीन वर्ष बनाउन मा गर्दै संशोधन हालेका थिए । तर, चौतर्फी विरोध आएपछि यो व्यवस्थालाई अस्वीकृत गरेर अगाडि बढ्ने सहमति गरिएको हो । राज्यव्यवस्था समितिका सदस्य आनन्द प्रसाद ढुंगानासहित १९ जनाले भ्रष्टाचार आरोपमा कैद सजाय भोगेको तीन वर्षपछि निर्वाचनमा भाग लिन पाइने व्यवस्था राख्नुपर्ने भन्दै दुई वटै विधेयकमा संशोधन प्रस्ताव दर्ता गराएका थिए ।

विधेयक भने आजै पारित हुने कांग्रेसका सांसद पूर्णबहादुर खड्काले जनाएका छन् । समितिबाट विधेयक आज पारित भएर व्यवस्थापिका संसदमा पठाइने र सोमबारको व्यवस्थापिका संसदको बैठकले विधेयकलाई कानुनको रुप दिने खड्काले बताए । निर्वाचनको मिति घोषणा भइसकेको र निर्वाचन कानुनको अभावमा निर्वाचन आयोगको काम रोकिएपछि विधेयक छिट्टै पारित गर्नुपरेको जनाइएको छ ।

प्रतिक्रिया दिनुहोस
बाबाको मृत्यु भएका चौथो दिनमा दाजुभाइले दिए एसइई परीक्षा

स्याङ्जा पुतलीबजार नगरपालिका ४ मा रहेको सरस्वती मावि परिक्षा केन्द्रबाट दुई जनाले माध्यमिक

स्वयम्भू र बालाजुमा नेपाल इन्भेष्टमेण्ट मेगा बैंकको नयाँ शाखा

  नेपाल इन्भेष्टमेण्ट मेगा बैंकले बिहीबारदेखि काठमाडौंमा दुई वटा नयाँ शाखाहरू विस्तार गरेको

भारतीय विदेशमन्त्री नेपाल आउँदै

  भारतीय विदेशमन्त्री एस जयशंकर बिहीबार नेपाल आउने भएका छन्। नेपाल भारत परराष्ट्रमन्त्रीस्तरीय

२ चिनियाँ जहाज भूकम्प पीडितका लागि राहत बोकेर नेपाल आइपुग्यो

  जाजरकोट र रुकुमका भूकम्प पीडितका लागि राहत बोकेर २ वटा चिनियाँ जहाज