कांग्रेसमा बल्झियो रडाको,देउवालाई खुस्काउन कोइराला क्याम्पको गोप्य बैठक सुरु
तेस्रो चरण अन्तर्गत असोज २ गतेलाई तोकिएको स्थानीय तहको निर्वाचनमा पार्टीको तर्फबाट टिकट वितरणलाई लिएर नेपाली कांग्रेसभित्र किचलो शुरु भएको छ ।अहिले सम्म घोषणा गरिएका उम्मेदवारको नामावलीलाई लिएर कोइराला पक्ष असन्तुष्ट भएको छ ।
कोइराला समूहले पार्टी सभापतिले आफू भारत भ्रमणमा जाँदा निधीलाई कार्यबाहक बनाएर पार्टीभित्र शक्तिशाली बनाउन खोजेको आशंका गरिरहेको बेला सभापति स्वयमले टिकट वितरणमा समेत हावी गराएको आरोप कोइराला पक्षको छ । विमलेन्द्र निधीलाई बर्तमान सरकारको मन्त्रिमण्डलमा रहेका मधेसबाट प्रतिनिधित्व गर्ने वहालवाला मन्त्रिहरुले साथ दिएको बुझिएको छ । जसले उम्मेद्वारी छनौटमा निधीको एकलौटी भएको कोइराला पक्षको आरोप छ ।
यसैबीच टिकट वितरणलाई लिएर महामन्त्री शसांक कोइरालाको निवास महाराजगंजमा अहिले रामचन्द्र पौडेलसहित कोइराला पक्षको बैठक बसिरहेको स्रोतले बताएको छ। बैठकमा कोइराला पक्षका नेताहरु मात्र सहभागि भएको स्रोतले बतायो ।
