महाधिवेशन गराउन प्रचण्ड माथी तिब्र दबाब,किन विघटन भयो माओबादी हेडक्वार्टर
पार्टीको निर्णयलाई व्यवस्थित बनाउन सत्तारुढ दल नेकपा माओवादी केन्द्रले हेडक्वाटर विघटन गरेको छ । २०७३ जेठ ६ गते १० माओवादी घटकबीच एकता भएपछि बनाइएको हेडक्वाटर विघटन गरिएको हो । आइतबार बसेको हेडक्वाटरको अन्तिम बैठकले ३४ सदस्यीय हेडक्वाटर विघटन गरि केन्द्रीय सचिवालयलाई कार्यकारी अंग बनाउने निर्णय गरेको हो ।
पार्टीको सर्वोच्च र कार्यकारी निकायका रुपमा माओबादीले हेडक्वाटरलाई प्रयोग गर्दै आएको थियो । अब हेडक्वाटरको अधिकार ९९ सदस्यीय सचिवालयलाई दिइएको छ । सचिवालयको पहिलो बैठक आगामी शुक्रबार बस्ने बताइएको छ ।
हेडक्वारसँगै माओवादी केन्द्रले चार हजार सदस्यीय जम्बो महाधिवेशन आयोजक समिति समेत विघटन गर्ने भएको छ । साउन २ गते बसेको सचिवालयले जम्बो समिति विघटन गर्ने निर्णय गरेपनि त्यसका लागि प्रदेश कमिटिबाट स्विकृति लिनुपर्ने आवश्यकता औंलाएको थियो ।
अहिलेसम्म करिब सबै प्रदेश कमिटिले जम्बो समिति भंग गर्न स्विकृति दिइसकेका छन् । योसँगै महाधिवेशन आयोजक समिति समेत भंग हुने भएको छ । आयोजक समिति जम्बो भएको भन्दै पार्टी भित्र र बाहिर पनि चर्को आलोचना हुँदै आएको थियो ।
अहिले पार्टी भित्र महाधिवेशन गर्नुपर्ने आवज समेत उठ्दै आएको छ । तर मङ्सिर १० मा हुने चुनाब अगाडी त्यो सम्भब नभएको माओबादी श्रोतको भनाइ छ ।
