एमाले र राप्रपाको सरकार बने यसकारण भारतले शंका गर्छ: पूर्व मेजर जनरल अशोक मेहेता



नेपालका प्रधानमन्त्री शेरबहादुर देउवा यतिखेर भारत भ्रमणमा छन् । यसै सन्दर्भमा नेपाल भारतबिचको सम्बन्धका बारेमा भारतका पूर्व मेजर जनरल अशोक मेहेतासँग ऋषि धमलाले गरेको कुराकानीको सम्पादित अंश यहाँ प्रस्तुत गरिएको छ ।

 

प्रधानमन्त्री शेरबहादुर देउवाको भारत भ्रमण कस्तो रह्यो ?
नेपालका प्रधानमन्त्री सबैको भारत भ्रमण सफल हुन्छ । भ्रमणको तयारी र नतिजा राम्रो छ । आठवटा सम्झौता भएको छ । यसलाई सफल मान्न सकिन्छ । प्रधानमन्त्री नरेन्द्र मोदी र देउवाबिचमा भएको वार्तालापमा दुवै प्रधानमन्त्रीले आ–आफ्नो कुरा राखे । तर त्यो कुरा भने हामीलाई थाहा हुँदैन ।

दुई प्रधानमन्त्रीबिचमा केके कुरा भयो होला ? केही अनुमान गर्न सकिन्छ ?
भारतले नेपालका प्रधानमन्त्रीसँग कुरा गर्दा भारतको सुरक्षाको विषयका जोड दिने गर्दछन् । चिन र पाकिस्तानबाट भारतलाई हुने असुरक्षाको विषयमा नेपालसँग कुरा गर्नु महत्वपूर्ण हुने भएकाले त्यस विषयमा कुरा हुनु जरुरी देखिन्छ । अर्को महत्वपूर्ण कुरा भनेको मधेशी जनताको हक अधिकारको विषय हो । यो विषयमा पनि कुरा भयो होला । संविधान संशोधन, जुन अहिले हुन सकेन । यसका विषयमा पनि कुरा भयो होला । त्यसैगरी नेपालमा भूकम्पपछिको पुनः निर्माणका विषयमा कुरा भयो होला । त्यसैगरी नेपाल–भारतबिचको सिमा विवाद, कालापानी, लिपुलेक लगायतको विषयमा कुरा भयो होला । यद्यपी संयुक्त पत्रकार सम्मेलन र विज्ञप्तीमा ति कुरा समेटिएन ।

नेपाल–भारतबिचको सुरक्षा सम्बन्ध कस्तो छ ?
नेपाल र भारतको सेनाबिचमा घनिष्ठ सम्बन्ध छ । नेपालको आर्मी चिफलाई भारतको जस्तो मानिन्छ र भारतको आर्मी चिफलाई नेपालको जस्तो मानिन्छ । किनकी दुवै देशलाई एक अर्काका आर्मी चिफलाई मानार्थ चिफको मान्यता दिइन्छ । यस्तो सम्बन्ध संसारभरी पाउन सकिदैन ।

भारत र चिनबिचको दोक्लम विवादमा नेपालको भूमिका कस्तो हुनुपर्छ ?
दुई देशबिचको सुरक्षामा एकअर्काबिच विश्वास हुनु जरुरी छ । दुई प्रधानमन्त्रीबिचको भेटमा यस विषयमा पक्का पनि कुरा भएको हुनुपर्छ ।

नेपालका प्रधानमन्त्री देउवा भारतीय प्रधानमन्त्री मोदीबिचको भेटवार्तालाई कसरी लिनुहुन्छ ?
दुई प्रधानमन्त्रीबिचको भेटवार्ता र समझदारीलाई कार्यान्वयन गर्नु पर्छ । तर यसको लागि समय लाग्छ । यस्ता विषयमा भारतले कार्यान्वयन नगरेको भनेर नेपालले सँधै आलोचना गरेको हुन्छ । जस्तै कोशीको बाँधले नेपालको भूभाग डुबानमा पार्छ । यसले गर्दा भारतको आलोचना बढि हुने गरेको छ । तर अहिले कसरी रोक्ने भन्ने विषयमा छलफल अघि बढेको छ । पञ्चेश्वर आयोजनाको विषयमा काम अघि बढ्ने सहमति भएको छ । त्यसैले भेटवार्तालाई सकरात्मक रुपमा लिनुपर्छ ।

भारतले नेपालमा कस्तो सरकार होस् भन्ने चाहन्छ ?
भारतले जहिले पनि नेपालमा भारतफ्रेन्ड्ली सरकार होस् भन्ने चाहन्छ । नेकपा एमाले र राप्रपाको सरकार बन्यो भने भारतले शंका गर्छ । किनकी त्यो सरकार चिनतिर नजिक हुन्छ । त्यसैले एमालेको सरकारलाई चिन निकट सरकारको रुपमा भारतले लिने गर्दछ । भारतले नेपालको हरेक विषयमा माइक्रोम्यानेज गर्न चाहन्छ । तर नेपाल सार्वभौम मुलुक भएकाले नेपालले मान्दैन ।

अब नेपाल–भारतबिचको सम्बन्ध कस्तो होला ?
भारत जहिले पनि नेपालको राजनीतिक स्थिरता चाहन्छ । संविधान जारी भएपछि विगिएको सम्बन्धलाई पुनः सुमधुर बनाउन नरेन्द्र मोदी सफल भएका छन् ।

प्रतिक्रिया दिनुहोस
समानीकरण अनुदान बढाउदै लैजान्छौँ: प्रधानमन्त्री

प्रधानमन्त्री पुष्पकमल दाहालले वित्तीय समानीकरण अनुदान घटाउने पक्षमा सरकार नरहेको बताएका छन्। प्रदेश

बाबाको मृत्यु भएका चौथो दिनमा दाजुभाइले दिए एसइई परीक्षा

स्याङ्जा पुतलीबजार नगरपालिका ४ मा रहेको सरस्वती मावि परिक्षा केन्द्रबाट दुई जनाले माध्यमिक

प्रधानमन्त्री लाई विश्वासको मत नदिन कांग्रेसको निर्देशन

प्रमुख प्रतिपक्षी नेपाली कांग्रेसले प्रधानमन्त्री पुष्पकमल दाहाल ‘प्रचण्ड’ लाई विश्वासको मत नदिन आफ्ना

सभापति देउवा भन्छन गठबन्धनमा समस्या छैन

  नेपाली काँग्रेसका सभापति शेरबहादुर देउवाले सत्तागठबन्धन दलबीच कुनै समस्या नरहेको बताउनुभएको छ