सासुको उपचार छोडेर हिमानी बाढी पीडितको दुःखमा साथ दिन झरिन मधेश
पूर्वयुवराज्ञी हिमानी शाह पूर्वरानी एवं सासु कोमल शाहको उपचार छाडेर तराईका बाढी र डुबान पीडितको दुःखमा साथ दिन मधेस पुगेकी छिन ।
उनले भदौ ७ गते पर्सा जिल्लाका बाढीपीडितहरूलाई राहत सामाग्री वितरण गर्ने कार्यक्रम छ । हिमानी ट्रष्टमार्फत पूर्वयुवराज्ञी शाहले पर्सा जिल्लाका ५ सय घरपरिवारलाई राहत वितरण गर्ने कार्यक्रम रहेको जारी प्रेस विज्ञप्तिमा उल्लेख छ ।
भदौ ७ गते पूर्वयुवराज्ञी शाहले आफै त्रिपाल, चामल, दाहाल, नुन, तेल र चिउरासहितका सामाग्री बाढीपीडितहरूलाई वितरण गर्ने कार्यक्रम रहेको छ । अन्य ठाउँहरुमा पनि राहत बाड्दै पीडित जनताको अवस्था बुझ्ने कार्यक्रम छ ।
हिमानी ट्रष्टले भूकम्पबाट पीडितहरूका साथै विभिन्न दैवीविपत्तीमा परेकाहरूलाई सहयोग गर्दै आएको छ । बिपत्तीमा उक्त सस्थाले सहयोग गर्दै आएको छ।
