भारतीय अभिनेता आमिर खानमा देखियो स्वाइन फ्लू

काठमाडौँ । अहिले विश्वभरी नै स्वाइन फ्लूले सताईरहेको छ । भारतीय अभिनेता आमिर खान र उनकी श्रीमति किरण राव यस रोगबाट ग्रसित भएका छन् । भारतको पूणेमा ‘जल संरक्षणसँग’ जोडिएको कार्यक्रममा आमिर खान सहभागी हुने पक्का थियो । तर, बिरामीका कारण उनी सहभागी हुन सकेनन् ।

आमिरले भिडियो मार्फत नै आफू बिरामी भएको जानकारी दिएका थिए । ‘आज मेरा लागि खुसीको दिन हो तर, म दुःखी छु । मलाई तपाइहरुसँग खुसी मनाउन मन थियो तर, सकिनँ ।’

आमिरले भनेका छन कि(‘एच वन एन वन भाइरस अर्थात स्वाइन फ्लुबाट ग्रसित भएकाले म र किरण बाहिर निस्कन सक्दैनौ । हामीले एक हप्ता घरमै आराम गर्नुपर्ने छ ।’उनले आफू कार्यक्रममा उपस्थित हुन नसकेपछि अर्का अभिनेता साहरुख खानलाई सहभागी भईदिन आग्रह गरेका थिए । जसअनुरुप साहरुख कार्यक्रममा उपस्थित भएका थिए ।