खेलकुद मैदान निर्माणमा तीव्रता : मन्त्री केसी



पर्वत । युवा तथा खेलकुद मन्त्री राजन केसीले सरकारले एक स्थानीय तह एक खेलकुद मैदान विस्तार गर्ने अभियानलाई तीव्रता दिएको बताउनुभएको छ ।

नेपाली काँग्रेस पर्वतको पार्टी कार्यालयमा आज आयोजित कार्यकर्ता भेटघाट कार्यक्रममा बोल्दै उहाँले खेल मैदानको अभावमा पछिल्लो समय युवा खेल क्षेत्रबाट पलायन हुने क्रम बढेको बताउँदै उहाँले खेल क्षेत्रको विकासका लागि सरकार दृढ रहेको बताउनुभयो ।

उहाँले प्रत्येक नगरपालिका र गाउँपालिकाले समेत युवा तथा खेलकुद क्षेत्रलाई प्राथमिकतामा राखेर बजेट तथा नीति कार्यक्रम बनाउन आफूले आग्रह गरेको बताउँदै यसबाट तल्लो तहमा रहेका खेलाडी र युवा लाभान्वित हुने बताउनुभयो ।

मन्त्री केसीले पर्वत जिल्लाका सबै तहमा एक÷एकवटा खेल मैदान विस्तारका लागि स्थानीय तहसँग सहकार्य गरेर आफूले बजेट विनियोजन गरिदिने आश्वासन समेत दिनुभयो ।

मन्त्री केसीले आगामी माघ ७ गतेभित्र दुईवटा चुनाव सम्पन्न गर्नुपर्ने अवस्था रहेको बताउँदै ती निर्वाचनमा नेपाली काँग्रेसलाई पहिलो दल बनाउन सबै कार्यकर्ता सक्रिय भएर लाग्न आग्रह गर्नुभयो ।

मन्त्री केसीले लोकतन्त्रप्रतिको लडाइँ सकिएको बताउँदै अबको पालो भनेको आर्थिक समृद्धिको भएको बताउनुभयो । उहाँले एक अर्काबीच आरोप प्रत्यारोप र दोषारोपणभन्दा पनि आर्थिक विकास र समृद्धितर्फ अघि बढ्नुपर्ने बेला आएको छ भन्नुभयो ।

 

प्रतिक्रिया दिनुहोस
सन्दीपलाई अमेरिका पठाउन भिसा प्रक्रिया सुरु

    नेपाल क्रिकेट संघ (क्यान)ले सन्दीप लामिछानेलाई विश्वकप क्रिकेट प्रतियोगितामा सहभागी हुन

ममाथि षड्यन्त्र भयो : सन्दीप लामिछाने

    बलात्कार मुद्दामा दोषी ठहर भएका क्रिकेटर सन्दीप लामिछानेले आफू षड्यन्त्रको शिकार

एन्फा उपाध्यक्ष दावा लामा पक्राउ

     अखिल नेपाल फुटबल संघ (एन्फा)का उपाध्यक्ष दावा लामा पक्राउ परेका छन्

अनलाइन जुवा खेलाएको आरोपमा ४ जना पक्राउ

    अनलाइन जुवा खेलाएको आरोपमा काठमाडौंबाट ३ महिलासहित ४ जना पक्राउ परेका