चुनाव हुन नदिने षड्यन्त्रलाई परास्त पार्छौ : नेता खनाल
झापा । नेकपा (एमाले)का वरिष्ठ नेता झलनाथ खनालले निर्वाचन हुन नदिन विभिन्न किसिमको षड्यन्त्र भइरहेको बताउँदै नेता खनालले त्यस्तो षड्यन्त्र सफल हुन नदिने बताउनुभएको छ । मुलुक अहिले निर्वाचन वर्षको रुपमा अघि बढिरहेको जनाउदै प्रदेश नं. २ को निर्वाचनमा नेकपा एमाले पहिलो पार्टीकै रुपमा स्थापित हुने बताउनुभयो ।
झापाको बिर्तामोडमा सोमबार पत्रकार भेटघाटमा बोल्दै नेता खनालले संविधान कार्यान्वयनको महत्वपूर्ण कामलाई पूर्णता दिन मुलुक निर्वाचनमय भएको बताउनुभयो । दुई नम्बर प्रदेशमा तेस्रो चरणमा हुने निर्वाचनमा पनि एमालेको पक्षमा जनलहर बढ्दै गएको बताउँदै नेता खनालले त्यहाँ पनि एमाले पहिलो शक्ति बन्ने र अब एमालेको विजयी यात्रालाई कसैले छेक्न नसक्ने बताउनुभयो ।
पूर्वप्रधानमन्त्री समेत रहेका नेता खनालले कसैले पनि निर्वाचनलाई रोक्नसक्ने अवस्था नरहेको बताउनुभयो । सरकारले प्रदेश र संघको निर्वाचनको मिति तोक्न ढिलाइ गरेको भन्दै त्यसप्रति एमालेको आपत्ति रहेको जनाउदै निर्वाचन हुन नदिन विभिन्न किसिमको षड्यन्त्र भइरहेको बताउँदै नेता खनालले त्यस्तो षड्यन्त्र सफल हुन नदिने प्रष्ट पार्नुभयो ।
