प्रचण्डलाइ पछारेका खेलकुदमन्त्रीले खेल क्षेत्रमा ल्याउने भए यस्ता नयाँ स्किम



युवा तथा खेलकुदमन्त्री राजेन्द्रकुमार केसीले ७ वटै प्रदेशमा अन्र्तराष्ट्रिय स्तरको रंगशाला स्थापना गर्ने बताएका छन् । बिहीबार रिपोर्टर्स क्लब नेपालले आयोजना गरेको बधाई तथा शुभकामना कार्यक्रममा बोल्दै आफ्नो कार्यकालमा ७ वटै प्रदेशमा अन्र्तराष्ट्रिय स्तरका रंगशाला बनाउने बताएका हुन् । केसीले ७० को संबिधान सभाको चुनाबमा प्रचण्डलाइ काठमाडौँ १० बाट पराजित गरेका थिए।

उनले भने, ‘नेपालको खेलकुद क्षेत्रलाई संघीय संरचना अनुसार नै रुपान्तरण गर्नको लागि ७ वटै प्रदेशमा अन्र्तराष्ट्रिय स्तरको रंगशाला बनाउने छौं, मैले यसको लागि अहिलेदेखि नै अवधारणा अघि सारिसकेको छु।’ उनका अनुसार नेपालगन्ज, पोखरा, झापा, विराटनगर जनकपुर लगायतका शहरहरुमा अन्र्तराष्ट्रिय स्तरको रंगशाला बनाउने योजना रहेको छ । त्यस्तै काठमाडौंमा रहेको एकमात्रै अन्र्तराष्ट्रिय स्तरको रंगशाला भुकम्पपछि ध्वस्त भएकोले सोको समेत मर्मत सम्भार भैरहेको उनले जानकारी दिए ।

सम्मान कार्यक्रममा बोल्दै मन्त्री केसीले आफ्नो कार्यकालमा नेपालको खेलकुद क्षेत्रलाई सुदृढ र सवल बनाउनको लागि गम्भीर भएर काम गर्ने समेत विश्वास दिलाए । उनले भने, ‘खेलकुद क्षेत्रमा अहिले विभिन्न समस्या देखिएका छन्, एन्फा, ओलम्पिकदेखि क्रिकेट संघमा समेत विवाद छन्, हरेक ठाउँमा विवाद छन्, अहिले १ सय ८० संघ छन्, सबैमा समस्या छन्, विभिन्न संघहरुमा देखिएका सबै समस्याहरुलाई हल गर्नुपर्छ ।’

खेलकुद क्षेत्रमा देखिएका सबै खाले समस्या हल गरेर अघि बढ्नु नै आफ्नो उद्देश्य र प्राथमिकता रहेको भन्दै सोही बमोजिम काम गर्ने समेत मन्त्री केसीले आश्वासन दिए । उनले भने,‘खेलकुदमा राजनीतिकरण भएको छ, यसलाई न्यूनिकरण गर्नु मेरो पहिलो प्राथमिकता हो, म सकेसम्म न्यूनिकरण गर्ने प्रयास गर्नेछु।’ केसीले खेलकुद क्षेत्रमा कुनैपनि हालतमा राजनीति हुन नहुने धारणा राखे ।

उनले खेलकुद क्षेत्रलाई व्यवसायिकरण गर्नु आफ्नो अर्को योजना रहेको सुनाए । उनले भने,‘विश्वमा धेरै खेलाडीहरुले खेलकै माध्यामबाट अर्बो र खर्बो रुपैयाँ आर्जन गरिरहेका छन्, विज्ञापनकामार्फत भनौं या अन्य माध्यामबाट खेलाडीहरुले राम्रो पैसा कमाईरहेका छन् ।’

त्यस्तै उनले आगामी डेढ वर्षभित्रै नेपालमा हुने साग प्रतियोगिताको तयारीमा नेपाली खेलाडीहरुलाई क्लोज क्याम्पमा होम्याईसकेको समेत जानकारी दिए । उनले भने,‘सागको लागि हामीले २८ वटा खेलको तयारी गरेका छौं, अहिलेदेखि नै तयारी धमाधम भैरहेको छ ।’

खेलको विकास गर्नको लागि पर्याप्त बजेट अर्थात एक अर्ब ६० करोड छुट्याइएको समेत उनले जनाए । उनले भने,‘युवाहरुको लागि कम बजेट छ, तर खेलको विकासको लागि धेरै ठूलो बजेट छुट्याईएको छ, त्यही अनुसार अब हरेक खेलहरुको विकास र स्तरोन्नती हुन्छन्, मेरो कार्यकालमा म परिवर्तनको आभाष दिलाएरै छाड्छु ।’

प्रतिक्रिया दिनुहोस
गौतमबुद्ध अन्तर्राष्ट्रिय क्रिकेट रंगशाला निर्माणका लागि १ अर्ब १० करोडको टेण्डर

    भरतपुर महानगरपालिकाले गौतमबुद्ध अन्तर्राष्ट्रिय क्रिकेट रंगशाला निर्माणका लागि टेण्डर आह्वान गरेको

आईसीसी क्रिकेट वर्ल्डकप : नेपाल १७२ रनमै अलआउट

    आईसीसी विश्वकप लिग-२ क्रिकेटअन्तर्गत अहिले घरेलु मैदानमा जारी पहिलो त्रिदेशीय एकदिवशिय

हामीलाई सन्दीप चाहियो भन्दै दर्शकले हुटिङ गरेपछि

    काठमाडौंको कीर्तिपुरस्थित त्रिवि क्रिकेट मैदानमा नेपाल र क्यानडाबीच एकदिवसीय शृंखलाको खेल

गौतमबुद्ध क्रिकेट रंगशालालाई बागमती प्रदेशले ७५ करोड दिने

    बागमती प्रदेश सरकारले भरतपुरमा रहेको गौतमबुद्ध क्रिकेट रंगशाला निर्माणको लागि लागतको