राजाले ठेगान लगाएका देउवाको राम्रो भएन रोल,यो बाहेक भारतीय राजदूतलाइ ओलीले अरु के-के लगाए पोल?
नेपालका लागि भारतीय राजदूत मञ्जित् सिंह पुरीले नेकपा एमालेका अध्यक्ष केपी शर्मा ओलीलाई बलकोट पुगेर भेटेका छन् ।आज ओली निवास पुगेर राजदूत सिंहले नेता ओलीलाई भेटेका हुन् । भारतीय दूतावासले ११ अगस्टमा काठमाण्डुमा आयोजना गर्न लागेको भारतको ७०औं स्थापना दिवसको अवसरमा आयोजना गर्न लागिएको कार्यक्रमको निम्ता दिन राजदूत सिंह ओली निवास पुगेका हुन् ।
अध्यक्ष ओली र राजदूत सिंहबीच करिब २ घण्टा भेटवार्ता भएको थियो । कुराकानीका क्रममा नेता ओलीले भारतसँग नेपालले हार्दिकता चाहेको बताएका थिए । नेपाल र भारतबीचको सम्बन्ध विगतदेखि नै हार्दिकतापूर्ण रहेको भन्दै ओलीले केही व्यक्तिको व्यक्तिगत स्वार्थका कारण समस्या भएको बताएका थिए । त्यो नेपाल भारत सम्बन्ध बिगार्ने तत्वले गरेको ओलीको भनाइ थियो।
‘नेपाल–भारतबीचको सम्वन्ध हिजोदेखि नै निकै हार्दिकतापूर्ण छ,’ ‘एक–दुई दर्जन व्यक्तिका व्यक्तिगत स्वार्थलाई केन्द्रमा राखेर गरिएका गतिविधिले समस्या भएको छ ।’ओलीले राजदुत संग भनेको श्रोतले बताएको छ।
नेता ओलीले भर्खरै सम्पन्न भएको स्थानीय तहको २ चरणको निर्वाचनमा सत्तामा रहेका कांग्रेस र माओवादीले असहयोग गरेता पनि एमालेले पहिलो स्थान हासिल गर्न सफल भएको बताएका थिए । राजदुतले ओली लाइ बधाई र शुभकामना दिएका थिए।
ओलीले वर्तमान सरकारप्रति रहेको एमालेको असन्तुष्टि समेत राखेका थिए । ‘वर्तमान प्रधानमन्त्री शेरबहादुर देउवालाई पहिला पूर्व राजा ज्ञानेन्द्रले असक्षम घोषणा गरेका थिए । अहिले उहाँ आफैँ असक्षम बन्ने काम गर्दै हुनुहुन्छ,’ ओलीले भने, ‘उहाँ असक्षमको बिल्ला लगाउन आतुर बन्नुभएको छ । उहाँका गतिविधिले त्यही पुष्टि गरेको छ ।’ देउवा सरकारले गरेका आतंकलाइ एमालेले सफल हुन् नदिने पनि ओलीले भेटमा बताएका छ।
