प्रजातन्त्रको मेरुदण्ड नै स्वतन्त्र न्यायपालिका : कानुनमन्त्री थापा

पोखरा । कानुन, न्याय तथा संसदीय मामिला मन्त्री यज्ञबहादुर थापाले प्रजातन्त्रको मेरुदण्ड नै स्वतन्त्र न्यायपालिका भएको बताएका छन् । सोही कारणले यसको गरिमा बढाउने गरी आफूले काम गर्ने दृढता व्यक्त गरेका छन् ।

उच्च अदालत बार इकाइद्वारा आज यहाँ आयोजित बधाई तथा शुभकामना कार्यक्रममा उहाँले स्वतन्त्र न्यायपालिकाको गरिमा बढाउन सके मात्रै गरेका कामले आपmूलाई सन्तुष्टि दिने धारणा राखेका छन् । न्यायालयमा जनताको पहँुच बढाउँनुपर्नेमा जोड दिँदै मन्त्री थापाले न्यायाधीशको सेवा सुविधा र वृत्तिविकास मात्र नभई न्यायिक क्षेत्रको भौतिक पूर्वाधार विकासका लागि आफूले पहल गर्ने बताए ।

बिपी कोइरालाको प्रेरणाबाट राजनीतिमा लागेको स्मरण गराउँदै उनले स्वतन्त्र, निष्पक्ष र निर्भिक भएर न्याय सम्पादनमा न्यायमूर्ति लागे न्यायालयको गरिमा बढ्दै जाने विचार व्यक्त गर्नुभयो । कार्यक्रममा उच्च अदालत पोखराका मुख्य न्यायाधीश कुमार चुडालले चुस्त, दुरुस्त र छिटोछरिटो न्याय सम्पादनमा न्यायकर्मीहरु निरन्तर लागिरहने प्रण गरे ।