फोरम नेपालको केन्द्रीय कार्यसमिति बैठक सिनामंगलमा बस्दै
संघीय समाजवादी फोरम नेपालको केन्द्रीय कार्यसमितिको बैठक आज ११ बजे देखि राजधानी सिनामंगलमा सुरु हुँदैछ । बैठक तीन दिनसम्म चल्नेछ।
बैठकमा वर्तमान राजनीतिक अवस्थादेखि पार्टीको आन्तरिक सांगठनिक स्वरुपसम्म छलफल हुने फोरम नेपालकी राजनीतिक समिति सदस्य रेखा यादवले जानकारी दिनुभयो । स्थानीय तहको पहिलो र दोस्रो चरणको सम्पन्न निर्वाचनमा पार्टीको भूमिका, अवस्था र निर्वाचन परिणामबारे समीक्षा एवं छलफल हुनेछ ।
यसैगरी, स्थानीय तहको तेस्रो चरण अन्तर्गत आगामी असोजमा हुने दुई नम्बर प्रदेशको चुनावको लागि नयाँ रणनीति बैठकले तय गर्ने फोरम नेपालकी नेता यादवले बताउनुभयो ।
