विवेकशील र साझा पार्टीको एकता भोलि घोषणा हुँदै
पत्रकार रवीन्द्र मिश्र नेतृत्वको साझा पार्टी र उज्ज्वल थापा नेतृत्वको विवेकशील नेपाली दलबीच बुधबार एकता हुने भएको छ। दुवै पार्टीले संयुक्त विज्ञप्ति सार्वजनिक गर्दै बुधबार राजधानीमा विशेष कार्यक्रम गरेर पार्टी एकीकरणको घोषणा गर्न लागेको जानकारी गराएको छ।
साझा पार्टीका प्रवक्ता डा.सूर्यराज आचार्य र विवेकशील पार्टीका प्रवक्ता रमेश पौडेलले संयुक्त विज्ञप्ति सार्वजनिक गर्दै बुधबार दिउँसो १:३० बजे नयाँ बानेश्वरको इन्द्रेणी कम्प्लेक्सम एकता घोषणा हुने जानकारी गराएका छन्।
