परिसूचकमा गिरावट आएपनि सेयर बजारमा अर्ब बढीको कारोवार
सोमबार नेपाल स्टक एक्सचेन्ज(नेप्से)को कारोबार मापक सूचक ६.४८ अंकले घटेर १६२९.०८ अंकमा ओर्लिएको छ । क बर्गका कम्पनीहरुको कारोबार मापन गर्ने सेन्सेटिभ इन्डेक्स २.४१ अंकले घटेर ३४४.६० अंकमा झरेको छ । आज १५३ कम्पनीका १७ लाख २५ हजार कित्ता शेयर एक अर्ब पाँच करोड रुपैयाँमा खरिद बिक्री भयो ।
होटल समूह सबैभन्दा धेरै २६.७१ अंकले घटेको छ । बैंकि«, विकास बैंक, जलविद्युत् र अन्य समूह क्रमशः १५.२६, ७.०४, ४.०२ र ०.५८ अंकले घटेका छन् । यता, बीमा समूह सबैभन्दा धेरै १००.७ प्रतिशतले बढेको छ भने फाइनान्स र उत्पादनमूलक समूह क्रमशः ३.६१ र ०.५८ अंकले बढेका छन् ।
सोमबार सबैभन्दा बढी सानिमामाई हाईड्रोपावर कम्पनीको शेयर खरिद बिक्री भएको छ । सानिमाको करिब आठ अर्ब ७९ लाख रुपैयाँ बराबरको शेयर खरिद बिक्री भयो ।
आज सबैभन्दा बढी कमाउने कम्पनीमा नेशनल हाइड्रोपावर कम्पनी रहेको छ । नेशनलले १० प्रतिशत कमाएको हो । करिब सात प्रतिशत गुमाउँदै गोर्खा फाइनान्स गुमाउने कम्पनीको सूचीमा पहिलो भएको छ ।
