राजपाले चकित पार्ने भयो बिरोधलाई झेल्दै, चुनाबमा जाने निर्णय हुदैछ ३ अध्यक्षलाई पेल्दै

राजपा नेपालको आज बस्ने अध्यक्ष मण्डलको बैठकले राष्ट्रिय राजनीतिलाई माथ खुवाउने निर्णय गर्दैछ।चुनाब बहिस्कारको निती अङ्गीकार गरेको उसले चुनाबमा सहभागी हुने निर्णय गर्न सक्ने र उक्त निर्णयलाई केन्द्रिय समितीको बैठक बोलाएर अनुमोदन गराउने निर्णय हुने एक नेताले टेलिफोन सम्पर्कमा बताए। ६ वटा मधेस केन्द्रित दल मिलेर बनेको राष्ट्रिय जनता पार्टी नेपालको अध्यक्ष मण्डल ६ सदस्यीय छ । चुनाबमा जान नहुने मत रहे पनि त्यसलाई परस्त गरिने बताईएको छ।

 

महन्थ ठाकुर, महेन्द्र राय यादव, शरतसिंह भण्डारीलगायत पार्टीले निर्वाचनमा जाने निर्णय गर्नुपर्ने पक्षमा छन् भने राजेन्द्र महतो, अनिलकुमार झा, राजकिशोर यादव संविधान संशोधनपछि मात्रै चुनावमा सहभागी हुनुपर्ने पक्षमा छन् । हृदयेश त्रिपाठी, सर्वेन्द्रनाथ शुक्ला, बृजेशकुमार गुप्तालगायत अधिकांश राजपाले निर्वाचनको पक्षमा निर्णय गर्नुपर्ने भन्दै दबाब बढाइरहेका छन् । कुनै प्रदेशमा बहिस्कार र कुनैमा सहभागिता जनाएको भन्दै नेतृत्वको खुब आलोचना भए पछि र भारतीय दुताबासले पनि चुनाबमा भाग लिन दबाब दिएका कारण पनि राजपाले सो निर्णय गर्न लागेको हो।