अन्तिम खेलको लागि नेपाल लेबनानसँग भिड्दै
एएफसी यू–२३ च्याम्पिनसिप छनोटको अन्तिम खेलमा बुधबार नेपालले लेबनान सँग सामना गर्ने भएको छ । छनोटको समूह ‘डी’ मा नेपाल र लेबनान दुवैले यसअघिका दुवै खेल गुमाइसकेका छन् भने दुवैको छनोट समीकरण पनि समाप्त भइसकेको छ ।
नेपाल आफ्नो सुरुका दुई खेलमध्ये यूएईसँग ५–० र उज्वेकिस्तानसँग २–० ले पराजित भएको थियो । अर्कोतर्फ लेबनान भने उज्वेकिस्तानसँग ३–१ र यूएईसँग १–० ले हारेको थियो । गोल अन्तरको हारमा लेबनान नेपालभन्दा माथि तेस्रो स्थानमा रहेको छ ।
खेल युएईको अल अइनस्थित तनउन विन मोहम्मद रंगशालामा आज साँझ खेल हुने बताइएको छ ।
आज लेवनानसँगको खेलमा नेपाल सान्त्वना जितको खोजीमा हुनेछ ।
छनोटमा प्रत्येक समूहका शीर्षस्थानको टिमले प्रतियोगितामा सोझै प्रवेश पाउने छ भने दोस्रो हुनेले आफ्नो सम्भावना जीवित राख्न सक्नेछ ।
यसअघिनै दुई खेलमा पहेँलो कार्ड पाएका स्टार मिडफिल्डर अञ्जन विष्ट भने आजको खेलमा उपस्थित हुन नपाउँने भएका छन् ।
