अष्ट्रेलियाली विदेशमन्त्री भारतमा
अष्ट्रेलियाली विदेशमन्त्री जोली विशप दुई दिने भ्रमणका लागि मङ्गलबार भारत पुग्नुभएको छ ।
दुई दिने सो भ्रमणका क्रममा उहाँले भारतीय प्रधानमन्त्री नरेन्द्र मोदी, आफ्ना समकक्षी भारतीय विदेशमन्त्री सुषमा स्वराज र अन्य वरिष्ठ नेताहरुसँग भेटवार्ता गर्नुहुने छ ।
यस भेटवार्ताका क्रममा द्विपक्षीय विविध विषयहरुका अतिरिक्त प्रतिरक्षा, व्यापार र संयुक्त लगानीका विषयमा कुराकानी हुनेछ ।
सो वार्ताका क्रममा अष्ट्रेलियाबाट भारतमा युरेनियम आपूर्ति गर्ने विषयमा पनि कुराकानी हुने भारतीय राजधानी नयाँ दिल्लीबाट प्राप्त समाचारमा जनाइएको छ ।
यस भ्रमणका क्रमा केही सम्झौताहरु पनि हुने जनाइएको छ । तर सम्झौता के विषयमा हो भन्ने बारेमा भने केही बताइएको छैन ।
