तपाईं अविवाहित हुनुहुन्छ ? यदी हुनुहुन्छ भने महानगरपालिकाले कर असुल्छ
काठमाण्डौं महानगरपालिकाले अब अविवाहितहरुको लागी प्रमाणपत्र बनाएको शुल्क लिने भएको छ ।
हालै पारित गरेको आर्थिक ऐन २०७४ मा महानगपालिकाले उठाउने विभिन्न किसिमका करहरु तथा सेवा दिए बापत लिने सेवा शुल्कमा अविवाहित प्रमाणित गरिदिए बापत लाग्ने दस्तुर पनि तोकेको छ । सो ऐनअनुसार अब विवाहित भएको वा अविवाहित भएको प्रमाणित गर्नुपर्दा शुल्क तिर्नुपर्ने भएको हो ।
काठमाडौं महानगरपालिकाले चालु आर्थिक वर्षको लागि अविवाहित प्रमाणित गरिदिए बापत १ हजार रुपैयाँ सेवा शुल्क दस्तुर लिने छ ।विवाह प्रमाणित गर्नको लागि महानगरले प्रतिपटक ३०० रुपैंया सेवा शुल्क दस्तुरको रुपमा असुल्नेछ ।
