मुसालाई सरकारकै चासो,कसले बोक्यो कमल थापालाई च्याप्ने सनासो ?

आफ्नै पार्टीको सरकार गिराउने खेलमा लागेपछी तत्कालिन प्रधानमन्त्री लोकेन्द्र बहादुर चन्दले मुसाको बिल्ला भिराईदिएका कमल थापा अन्तत निरिह र लाचार बन्ने चरणमा छन् । अहिले उनलाई उनकै अति बिश्वशिलाले डण्डा बर्साउन थालेका छन्। यसअघी नपाएको अपमान र घृणा उनले पार्टी भित्र र बाहिर बाट खेप्नु परेको छ ।

संविधान संशोधन प्रस्तावको पक्षमा मतदान गर्ने निर्णय गरेको राष्ट्रिय प्रजातन्त्र पार्टी अन्ततः फुटको संघारको सम्मुख रहेको छ ।
सरकारले यही असारभित्रै संशोधन प्रस्ताव पारित गराउने तयारी गरिरहेको बेला प्रस्तावको पक्षमा मतदान गर्ने निर्णय गरेको राप्रपाभित्र अर्को पक्षले छुट्टै भेला र गोप्य बैठक गरिरहेको स्रोतको दाबी छ । तर संबिधान संसोधनको चक्कर पास नहुने र त्यसको राप र तापले राप्रपा मात्र फुटाउने योजना चलखेलकारी हरुको छ।

कमल थापालाई सरकारमा जान रोक्ने गोर्खे लौरी दिपक बोहराले बोकेका छन् ।चतुर बोहोराले थापालाई दलको नेता बाट समेत हटाउने तयारी गरेका छन् र उनलाई प्रकाश चन्द्र लोहनिने सहायता गरिरहेका छन्। थापाको तेज सक्न पूर्वराजा पनि लागिरहेका छन्। त्यतिमात्रै होईन, बोहरा समूहले अध्यक्ष थापालाई पार्टीको संसदीय दलको नेताबाटै नै हटाउने तयारी गरिरहेको छ । सोही अनुरुप अहिले बोहरा समूहको बैठक विभिन्न गोप्य ठाउँमा भैरहेको छ । बोहरालाई पार्टीका शीर्ष नेता पशुपतिशमशेर जबराको समेत साथ र सहयोग रहेको छ । राणाले पनि कमल थापाको हैकम परास्त गर्ने पर्छ भनेर सहयोग गरिरहेको बुझिएको छ। विक्रम पाण्डे, सुनिल थापा रामकुमार सुब्बा हरु थापालाई सिध्याउन अनेक तुरुप फ्याक्ने जुक्ती निकालिरहेका छन्।