मैत्रीपूर्ण खेलमा बंगलादेशलाई हराउँदै नेपाल विजयी
काठमाण्डौं । एएफसी यु–२३ च्याम्पियनसिपको तयारीमा रहेका नेपाली यु–२३ टोलीले बंगलादेशको यु–२३ टोलीलाई १-० गोलले हराएको छ।
ललितपुरको सातदोबाटोस्थित एन्फा कम्प्लेक्समा मंगलबार भएको खेलमा नेपालले बंगलादेशलाई १–० ले पराजित गरेको हो । खेलको २० औं मिनेटमा कप्तान बिमल घर्ती मगरको प्रहारले जाली चुमेपछि नेपाल मैत्रीपूर्ण खेलमा जित निकाल्न सफल भयो ।
अन्जन बिष्टको पासलाई बिमलले पोष्टको दिशा दिएका थिए । खेलको अन्तिम समयमा बिश्वास श्रेष्ठ वन भर्सेज वनमा गोल गर्न चुकेपछि नेपालले अग्रता दोब्बर बनाउने अवसर गुमाएको थियो । नेपालले आजको खेललाई च्याम्पियनसीप छनोटको तयारीका रुपमा लिएको थियो ।
राष्ट्रिय टिमको अनुभव बटुलिसकेका १० खेलाडि सहभागी अण्डर २३ टोलीले युएई उड्नु अघि बंगलादेशस“ग मैत्रीपूर्ण खेल खेलेको हो । जुलाई १५ देखि १९ सम्म युएईमा हुने एफसी अण्डर २३ च्याम्पियनसिप छनोटमा नेपालले घरेलु टोली सहित उज्वेकिस्तान र लेवनानसंग प्रतिस्पर्धा गर्नेछ ।
