सेयरबजारमा हरियाली, नेप्से र कारोबार दुबै बढ्यो
काठमाण्डौं । साताको अन्तिम दिनको कारोबारमा सेयरबजार ३१.५ अंकले बढेर १५८२.११ अंकमा उक्लिएको छ । नेप्से परिसूचक संगै क बर्गका कम्पनीहरुको कारोबार मापन गर्ने सेन्सेटिभ इन्डेक्स ६.९० अंकले बढेर ३३६.१० अंकमा उक्लिएको छ ।
विहिबार १४८ कम्पनीका ३५ लाख कित्ता शेयर ७६ करोड रुपैयाँमा खरीद बिक्री भए । आज सबैभन्दा बढी नेरुड लघुवित्त विकास बैंकको ६ करोड २० लाख रुपैयाँको शेयर खरीद बिक्री भयो ।
कारोबार रकमकै आधारमा नेपाल लाईफ इन्स्योरेन्स कम्पनी दोस्रो भएको छ । यो इन्स्योरेन्सको पाँच करोड ४९ लाख रुपैयाँ बराबरको शेयर खरीद बिक्री भएको छ ।आज कारोबारमा आएका सबै उपसुचक बढेका छन् । बैंक २४.५३, होटल ५८.८७, विकास बैंक ३९.४५, जलबिद्युत २०.७४, फाइनान्स ४.९२, बीमा ३१९.९, उत्पादन मुलक ११.२४ र अन्य ४.३४ अंकले बढेको छ ।
आज सबैभन्दा बढी अरुण भ्याली हाइड्रोपावर कम्पनीका शेयर धनीले करिब आठ प्रतिशत कमाएका छन् भने सबै भन्दा बढी प्रोग्रेसिभ फाइनान्सका शेयरधनीले करिब नौ प्रतिशत गुमाएका छन् ।
