घोडाघोडी र लम्किचुहा नगरपालिकामा एमालेको जित
धनगढी । दोस्रो चरणको स्थानीय निर्वाचनमा नेकपा एमाले पहिलो पार्टीको रुपमा आईरहेको छ । स्थानीय निर्वाचनको मतपरिणाम आउने क्रम जारी रहरिहेकै छ । यसैक्रममम भर्खरै मात्र कैलालीको घोडाघोडी र लम्किचुहा गरी दुई नगरपालिकामा नेकपा एमाले विजयी भएको छ ।
बुधबार विहान सम्पन्न मत गणना अनुसार घोडाघोडीमा मेयर र उपमेयर दुबै एमालेले जितेको हो।
एमालेका तपेन्द्र रावलले ८ हजार १६४ मत पाए । उनका निकटतम प्रतिद्वन्द्वी माओवादी केन्द्रका लक्ष्मण थारुले ७ हजार २३७ मत पाए ।
उपमेयरमा एमालेकी लक्ष्मी चौधरी ७ हजार २३४ मतका साथ विजयी भएकी छन् । निकटतम प्रतिद्वन्द्वी माओवादी केन्द्रकी ममता चलाउनेले ७ हजार ६४ मत पाइन् ।
कैलालीकै लम्किचुहा नगरपालिकाको प्रमुख र उपप्रमुख दुबैमा एमाले जितेको छ ।
