शान्तिनगर र यशोधरा गाउँपालिकामा काँग्रेस विजयी
तुलसीपुर(दाङ) । शान्तिनगर गाउँपालिकामा नेपाली काँग्रेस विजयी भएको छ ।
काँग्रेसका कमानसिंह डाँगीले तीन हजार ६३२ मत र उहाँका निकटतम प्रतिद्वन्द्वी नेकपा(एमाले)का विष्णु केसीले दुई हजार ५८३ मत प्राप्त गर्नुभएको छ ।
त्यसैगरी उपाध्यक्षमा पनि काँग्रेसका मिथिला शाह तीन हजार ६३२ मत प्राप्त गरी विजयी हुनुभएको छ । उहाँका निकटतम प्रतिद्वन्द्वी एमालेकी खुमा पाण्डेले दुई हजार ६४९ मत प्राप्त गर्नुभएको छ ।
यशोधरा गाउँपालिकामा काँग्रेस विजयी
कपिलवस्तुको यशोधरा गाउँपालिकामा प्रमुख र उपप्रमुख दुवैमा नेपाली काँग्रेसका उम्मेदवार विजयी बनेका छन् ।
मतगणनाको अन्तिम मतपरिणामअनुसार काँग्रेसका प्रमुख पदका उम्मेदवार गिरिजेशकुमार पाण्डेयले तीन हजार २७५ र उहाँका निकटम प्रतिद्वन्द्वी राजपा नेता स्वतन्त्र उम्मेदवार रामदेव कलवारले तीन हजार १५५ मत प्राप्त गर्नुभएको छ ।
यसैगरी उपप्रमुखमा काँग्रेसकी कन्यावती उपाध्याय दुई हजार ९५७ मत प्राप्त गरी विजयी बन्नुभएको छ । उहाँका निकट प्रतिद्वन्द्वी सङ्घीय समाजवादी फोरम नेपालकी राजमति यादवले एक हजार ७०९ मत प्राप्त गरेको मतगणनामा संलग्न प्रशासकीय अधिकृत पुनाराम पौडेलले बताउनुभयो ।
