एमालेले आज सबै उम्मेदवार टुंगो लगाउने
काठमाडौँ । नेकपा एमालेले आज शनिबार सबै प्रदेशका स्थानीय तहका उम्मेदवारको टुंगो लगाउने भएको छ ।
दिउँसो १ बजे पार्टी कार्यालय धुम्बारीमा बस्ने स्थायी समिति बैठकले टुंगो लाग्न बाँकी निकायको उम्मेदवार चयन गर्न लागेको हो । प्रदेश नम्बर १, २, ५ र ७ का अधिकांश स्थानीय तहमा प्रदेश कमिटीले उम्मेदवार चयन गरिसकेको छ । केही स्थानीय तहमा उम्मेदवारका आकांक्षी बढी भएपछि केन्द्रमा नाम सिफारिस भएको हो ।
आज बस्ने स्थायी समितिको बैठकले सबै उम्मेदवारको टुंगो लगाउने स्थायी समिति सदस्य सुरेन्द्र पाण्डेले बताए । वीरगञ्ज र विराटनगर महानगरपालिका बनाइएपछि त्यहाँ बढी उम्मेदवारका आकांक्षी छन् ।
