मुलुकमा संकटको जिम्मेवार कांग्रेस हो : थापा
काठमाडौं । राप्रपा अध्यक्ष कमल थापाले यो मुलुकको संकटको जिम्मेवार नेपाली कांग्रेस भएको बताएका छन् ।
राष्ट्रिय प्रजातन्त्र पार्टीको आइतबार आयोजित कार्यसम्पादन समिति र संसदीय दलको संयुक्त बैठकलाई सम्वोधन गर्दै राप्रपा अध्यक्ष थापा नेपाली कांग्रेसप्रति खरो रुपमा प्रस्तुत हुदै संकटको जिम्मेवार कांग्रेस भएको बताएका हुन ।
कांग्रेस सभापति शेरबहादुर देउवाले सरकारमा सहभागी हुनका लागि पठाएको निम्तोपत्रमाथि छलफल गर्न आयोजना गरिएको बैठकको प्रारम्भमै अध्यक्ष थापा नेपाली कांग्रेसविरुद्ध खनिएका हुन् ।
यो देशमा संकट आएकै कांग्रेसले गर्दा हो भन्दै अध्यक्ष थापाले देउवा सरकारमा पार्टी सहभागी नहुने संकेत गरेका थिए ।
