फिफा बरियतामा नेपालको उल्लेख्य सुधार, नेपाल दक्षिण एसियाको पाँचौं
काठमाडौँ । विश्व फुटबल महासंघको सर्वोच्च निकाय फिफा वरियतामा ब्राजिल फिफा बरियताको शीर्षस्थानमा छ भने अर्जेन्टिना दोस्रो र जर्मनी तेस्रो स्थानमा छ । यस्तो अवस्थामा नेपालले पनि पछिल्लो समय निकै सुधार गरेको छ ।
फिफाले सार्वजनिक गरेको बरियताअनुसार नेपाल चार स्थान सुधार गर्दै १ सय ६९ औँ स्थानमा उक्लिएको छ । नयाँ बरियता अनुसार नेपाल दक्षिण एसियामा पाँचौँ स्थानमा छ । दक्षिण एसियामा शीर्षस्थानमा रहेको भारत समग्रमा एकसय स्थानमा छ ।
दक्षिण एसियाली राष्ट्रमा नेपाल भन्दामाथि रहेको भुटान २ स्थान तल झर्दै १ सय ६६ औँ स्थानमा पुगेको छ ।
दोस्रो स्थानमा रहेको माल्दिभ्स समग्र बरियताको एकसय ५६ औँ स्थानमा छ । पछिल्लो बरियतामा माल्दिभ्स चार स्थान तल झरेको छ । त्यसैगरी, अफगानिस्तान चार स्थान खस्कँदै समग्र एक सय ५८ औँ स्थानमा छ । दुई स्थान तल झरेको भुटान एक सय ६६ औँ स्थानमा छ । नेपालभन्दा पछाडि रहेको बंगलादेश एक सय ९२ औँ र श्रीलंका एक सय ९७ औँ स्थानमा छन् ।
