नेप्से र कारोबार दुबै घट्यो
काठमाण्डौं । बुधबार नेप्से १.२८ अंकले घटेर १५६३.८१ विन्दुमा झरेको छ । कुल १४० कम्पनीको कारोबार भएको बजारमा ४९ करोड ६८ लाख रुपैयाँ बराबरको सेयर किनबेच भयो ।
मंगलबारको तुलनामा कारोबार रकम १२ करोडले घटेको छ । यसदिन समग्र बजार पूँजीकरण १८ खर्ब ३२ अर्ब कायम भएको छ । अघिल्लो दिनको तुलनामा लगानीकर्ताको सम्पत्ति एक अर्बले घटेको छ ।
बुधबार कारोबारमा आएकामध्ये जलद्यिुत बैंकिङ र अन्य समुहको परिसुचक ओरालो लागेको छ । जलविद्युत समुह ७.५२, बैंकिङ ३.५३ र अन्य समुहको परिसुचक ३ अंकले ओरालो लागेको हो । होटल,बीमा,विकास बैंक र फाइनान्स समुहको परिसुचक भने क्रमशः २८.१४, १०.९१, ५ र २ अंकले उकालो लागेको छ ।
बुधबार हिमालयन जनरल इन्स्योरेन्सको सबैभन्दा बढी ४ करोड ९१ लाखको कारोबार भएको छ । नबिल बैंकको पनि संस्थापक र साधारणगरी चार करोड बढीको सेयर किनबेच भयो ।
यसदिन एभरेष्ट बैंकका संसथापक सेयरधनी र वल्र्ड मर्चेन्ट फाइनान्सका लगानीकर्ताले दश प्रतिशतकादरले कमाए । फरवार्ड वित्तीय संस्थाको पनि सेयरमूल्य आठ प्रतिशत बढीले उकालो लागेको छ ।
