मतदान गर्दा गर्दै भट्टराई र भण्डारीको मृत्यु
काठमाडौँ । झापामा मतदान गर्न लाइनमा बसेका मतदाताको मृत्यु भएको छ । । मतदान गर्न लाइनमा बसेका दमक नगरपालिका ९ का ८२ वर्षीय नरेन्द्र भण्डारीको मृत्यु भएको हो ।
यस्तै पाल्पामा मतदान गर्न लाइनमा बसेका अर्का वृद्धको पनि मृत्यु भएको छ । जिल्लाको बगनासकाली गाउँपालिका–६ यम्घाका ८४ वर्षीय चन्द्रकान्त भट्टराईको मृत्यु भएको हो ।
स्थानीय अरनिको आधारभूत विद्यालयमा मतदान गर्न लाइनमा बसेका भट्टराईको हृदयाघातका कारण मृत्यु भएको बताइएको छ । उनको शवलाई विद्यालय नजिकै मन्दिरमा राखिएको छ । भट्टराईका छोरीहरु बिहे भएर गइसकेका र अहिले उनी पत्नीसँग बस्दै आएका थिए । उनका छोरा छैनन् । मतदान कार्य केही समय प्रभावित भए पनि पछि सुचारु गरिएको स्थानीय रीता पराजुलीले बताइन् ।
