शीर्षनेताहरु कहाँ कहाँबाट गर्दैछन् मतदान
काठमाडौं । स्थानीय तहदोस्रो चरणको निर्वाचन भोली हुँदैछ । यस निर्वाचनमा सर्वसाधारण जनता मात्रै नभई पार्टीका शीर्ष नेताहरुले पनि विभिन्न मतदान केन्द्रबाट मतदान गर्दैछन् ।
एमाले वरिष्ठ नेता तथा पूर्व प्रधानमन्त्री झलनाथ खनालले गृह जिल्ला इलाममा मतदान गर्दैछन् । उनले सूर्योदय नगरपालिका–९ को राष्ट्रिय निमाविमा रहेको मतदान केन्द्रबाट मतदान गर्नेछन् । निर्वाचनका लागि प्रधानमन्त्री शेरबहादुर देउवाले गृह जिल्ला डडेल्धुरा पुगेका छन् । उनले गन्यापधुरा गाउँपालिका–१, असिग्राम उमावि मतदान केन्द्रबाट मतदान गर्नेछन् ।
सभामुख ओनसरी घर्तीले गृह जिल्ला रोल्पाको लिवाङ–७ मा भोट हाल्नेछन् । । उनको बालोदय माध्यमिक विद्यालय मतदान गर्ने केन्द्र हो । उपराष्ट्रपति नन्दबहादुर पुनले पनि रोल्पाको खोलीगाउँपालिका–२ मतदान गर्दैछन्। कांग्रेस नेता कृष्ण सिटौलाले झापाको भद्रपुर–१० स्थित कबलगुडी प्राविमा रहेको मतदान केन्द्रबाट र एमाले उपाध्यक्ष वामदेव गौतमले बर्दियाको बाँसुगढी–८ को त्रिभुवन उमाविबाट मतदान गर्दैछन् । पूर्व सभामुख सुवास नेम्बाङले इलाम र उपप्रधान तथा परराष्ट्रमन्त्री कृष्णबहादुर महराले रोल्पाको लिवाङ नगरपालिका–१ बाट मतदान गर्ने छन् ।
