कामना विकास बैंकको सेयर २५ गतेसम्म भरिसक्नुपर्ने
काठमाण्डौं । कामना विकास बैंकले ३० प्रतिशत हकप्रद सेयरको बिक्री खुला गरेको छ । बैंकले २४ करोड १३ लाख १३ हजार ७६० रुपैयाँको एक सय अङ्कित दरका २४ लाख १३ हजार एक सय ३७ दशमलव ६० कित्ता हकप्रद सेयर बिक्री खुला गरेको हो ।
बैंकको हकप्रदमा विक्री प्रबन्धक एनआईबिएल क्यापिटल लाजिम्पाटका साथै कामना विकास बैंकको सम्पुर्ण शाखाहरुबाट आवेदन गर्न सक्नेछन् । त्यस्तै नेपाल इन्भेष्टमेन्ट बैंकको विराटनगर,वीरगञ्ज, बुटवल, नेपालगञ्ज र धनगढी शाखाहरुबाट समेत लगानीकर्ताले हकप्रदमा आवेदन बुझाउन सक्नेछन् ।
बैंकको हकप्रदमा मंसिर १० गते सम्म कायम रहेका सेयरधनीले मात्र आवेदन दिन सक्नेछन् । असार ११ गते खुला भएको बैंकको हकप्रद साउन १५ गते बन्द हुनेछ ।
हाल बैंकको चुक्ता पूँजी ८० करोड ४३ लाख रुपैयाँ रहेको छ । हकप्रद जारी पछि बैंकको चुक्ता पूँजी एक अर्ब चार करोड ५६ लाख ९२ हजार रुपैयाँ पुग्नेछ ।
