बम हमलामा २९ जनाको मृत्यु, ६६ घाईते
काठमाण्डौं । अफगानिस्तानस्थित हेलमन्ड प्रान्तको राजधानी लस्कार्घस्थित न्यु काबुल बैंकको शाखा बाहिर बाहीर आतंकवादीले शक्तिशाली बम विस्फोट गराउँदा कम्तिमा पनि २९ जना मारिएका छन् ।
यो घटनामा अन्य ६६ जना घाइते हुन पुगेका छन् । प्रान्तीय गभर्नर उमर जवाकका प्रवक्ताले बताए अनुसार आतंकवादीहरूले बैंक बाहिर कारबाट आत्मघाती हमला गरेका हुन् ।
उनका अनुसार हमलामा घाइते मानिसलार्इ अस्पतालमा भर्ना गरिएको छ । गृहयुद्धको आगोमा जलिरहेको अफगानिस्तान भएको यस हमलाको जिम्मेवारी अहिलेसम्म कुनै संगठनले लिएको छैन ।
मामिलाको जाँच पनि सुरू गरिएको छ । समाचार अनुसार आतंकवादीहरूले सुरक्षाकर्मीको तलब निकाल्ने काममा बाधा गर्नका लागि बैंकलार्इ निशाना बनाएका हुन् ।मृतक र घाइतेको संख्यामा वृद्धि हुन सक्ने बताइएको छ। घटनापछि बैंकका सुरक्षा गार्डले पनि गोली चलाएका थिए ।
