बैंकको १८ लाख ३ हजार कित्ता सेयर आउँदै
काठमाडौं । अल्पाइन डेभलपमेन्ट बैंकले असार २५ देखि ६९.३३५ हकप्रद सेयर बिक्री खुला गर्ने भएको छ । बैंकले ३ः२.०८ अनुपातमा (प्रत्येक ३ कित्ता बराबर थप २.०८) कित्ता सेयर बिक्री गर्न लागेको हो । बैंकले १०० रुपैयाँ अंकित मूल्यको १८ लाख ३ हजार २४७ कित्ता बिक्री गर्नेछ । यो हकप्रद सेयर साउन २९ गतेसम्म भर्न पाइनेछ ।
हकप्रद निष्कासनपछि अल्पाइनको चुक्ता पुँजी ४४ करोड ४ लाख रुपैयाँ हुनेछ । अल्पाइन डेभलपमेन्ट बैंकको मुख्य कार्यालय हेटौडा–४ मेनरोड मकवानपुर तथा शाखा कार्यालय साँगा काभे्रपलान्चोक र नारायणगढ चितवनबाट आवेदन दिन सकिने छ । त्यस्तै, एनएमबि बैंकको उपत्यका भित्रका शाखा कार्यालयहरु सितापाइला, कलंकी, चावहिल, बसुन्धारा, कुमारीपाटी र सूर्यविनायकबाट आवेदन दिन सकिनेछ ।
यसैगरी, उपत्यकाबाहिर तीनदोबाटो बनेपा, ट्राफिकचोक बुटवल, महेनद्रपथ धरान, रंगेलीरोड विराटनगर, सुर्खेतरोड नेपालगञ्ज, बसपार्करोड धनगढी, न्युरोड पोखरा, आदर्शनगर वीरगञ्ज, भानुचोक जनकपुर, नारायणगढ चितवन र विर्तामोड झापा शाखाबाट पनि आवेदन दिन सकिनेछ ।
