रामदेवका औषधी गुणस्तरहिन,बिक्री बितरणमा रोक
काठमाडौ । योगगुरु रामदेवका पतन्जलीले उत्पादन गरेको औषधीहरु गुणस्तरहिन भएको प्रमाणित भएका छन् ।
औषधी ब्यवस्था बिभागले ल्याव परीक्षण गर्दा पतन्जली आयुर्बेदिक केन्द्रद्धारा उत्पादित अम्ला चुर्ण, दिब्या गसार चूर्ण, बकुची चूर्ण त्रिफला चुर्ण, अश्वगन्धा चूर्ण र अदिब्या पूर्ण औषधीहरु गुणस्तर नभएको पाईएपछि बिक्री बितरणमा रोक लगाईएको छ ।
बजारमा रहेका औषधीहरु फिर्ता गर्न बिभागले कम्पनी र बिक्रेतालाई निर्देशन दिएको छ । चूर्ण बर्गका ओषधीमा मापदण्ड नपुगेको र गुणस्तर पनि नभएकाले उपचार भन्दा रोग बढाउने संभावना बढी रहेको बताईएको छ । कतिपय औषधीमा सुक्ष्म जिवाणु समेत भेटिएको बिभागको भनाई रहेको छ ।
पतन्जलीले हाल नेपालमा खोलिएका सयौं केन्द्र मार्फत ११० प्रकारका औषधी बिक्री बितरण गरिरहेको बताईएको छ ।
