सगरमाथाकै हाराहारीको अभिनयमा जम्दै स्वानिका
काठमाडौँ / सोलुखुम्बुमा जन्मिएर काठमाण्डौंलाई कर्मथलो बनाउँदै फिल्मी क्षेत्रमा करिअर बनाउन खोजिरहेकी स्वानिका बास्तोला पछिल्ला दिनमा जमेर लागेकी छिन । अभिनय कलामा निखारता ल्याउँदै गरेकी उनको अभिनय पछिल्ला दिनमा उम्दा बन्दै गएको छ । झण्डै आधा दर्जन चलचित्रमा आफ्नो प्रतिभा पस्किएकी उनले भोजपुरी फिल्म पनि खेलिसकेकी हुन् । कर्ममा विश्वास गर्ने स्वानिकाको अभिनयकलाले धेरैलाइ मन्त्र मुग्ध पारिदिन्छ ।
कथाले माग्यो भने चलचित्र भित्रका जुन कुनै सिनमा अभिनय गर्न आफू राजी भएको उनले सुनाउन भ्याइन् । उनले म्युजिक भिडियो र लिला चलचित्रको कामको व्यस्तता सकेकी छिन् । अरु चलचित्र र म्युजिक भिडियोकै कामको चापले उनलाई अचेल ब्यस्त बनाएको छ । पोखराकी काली,भाग सानी भाग,भोजपुरी चलचित्र मजाक लगायत स्वस्थ क्षेत्रका चेतना मुलक चलचित्रमा पनि उनको दमदार अभिनय देख्न सकिन्छ ।
