चलचित्रमा रुदाने
काठमाडौँ । दार्शनिक तथा राजनीतिज्ञ रुपचन्द्र विष्टको जीवनमा आधारित भएर
चलचित्र निर्माण भएको छ । विष्टको १८औँ स्मृति दिवसको अवसर पारी बुधबार ‘रुदाने विद्रोहको नेपाली नाम’को फष्ट लुक सार्वजनिक भएको छ ।
चलचित्रमा रुपचन्द्र विष्टको सिंगो जीवन र थाहा दर्शनका विविध पाटा समेटिएको निर्माण पक्षले जनाएको छ । रुदानेको लेखन अमितकिशोर सुवेदी र विकास ढकालले संयुक्त रूपमा गरेका छन् ।
दावनल क्रियशनले थाहा यात्रासँगको सहकार्यमा निर्माण गरेको चलचित्रका निर्मार्ता जागृत रायमाझी छन् ।
चलचित्रमा विष्टको भूमिकामा दिव्यदेवले अभिनय गरेका छन् भने नम्रता श्रेष्ठ, रवि गिरी, सुभास गजुरेल, अमर सुवेदी, सरोज अर्याललगायत एक सयभन्दा बढी कलाकारको पनि अभिनय छ । चलचित्रमा बलिउडका सान्ता राओको छायांकन, निमेष श्रेष्ठको सम्पादन र जेशन कुँवरको संगीत रहेको छ ।
रुदाने यसै वर्षभित्र प्रदर्शनमा ल्याउने गरी अन्तिम चरणको सुटिङ भइरहेको निर्माण पक्षले जनाएको छ ।
