कामपाले विज्ञापनबाट उठायो ७ करोड भन्दा बढि कर
काठमाडौं । काठमाडौं महानगरपालिकाले ७ करोड ४ लाख रुपैयाँ विज्ञापन कर संकलन गरेको छ । महानगरपालिकाले चालु आर्थिक बर्षको एक महिना बाँकी रहँदा अघिल्लो आर्थिक बर्षको तुलना ३ करोड रुपैयाँ बढि राजस्व संकलन गरेको हो ।
चालु आर्थिक वर्षको जेठ मसान्तसम्म विज्ञापन करबाट ७ करोड ४ लाख रुपैयाँ उठाइएको राजस्व महाशाखा प्रमुख ध्रुब काफ्लेले जानकारी दिए ।
काफ्लेका अनुसार आर्थिक वर्ष २०७२/७३ मा ४ करोड १७ लाख रुपैयाँ कर संकलन भएको थियो । अघिल्लो आर्थिक वर्षको तलनामा चालु आर्थिक वर्ष अघि नै महानगरपालिले २ करोड ८७ लाख रुपैयाँ धेरै कर संकलन गरेको छ । महानगरपालिकाले २०५६र५७ सालदेखि विज्ञापन कर संकलन गर्न थालेको हो ।
