एमालेका विश्वकर्मा निर्विरोध निर्वाचित
इलाम / इलामको माङ्गसेबुङ्ग गाउँपालिकामा नेकपा एमालेकी दलित महिला सदस्य उम्मेदवार धनकुमारी विश्वकर्मा निर्विरोध निर्वाचित हुनुभएको छ ।
स्थानीय तहको चुनावका लागि विश्वकर्माले वडा नं. ६ बाट वडा सदस्यमा आइतबार उम्मेदवारी दर्ता गराउनु भएको थियो । माङ्सेबुङका निर्वाचन अधिकृत कृष्णकुमार कार्कीका अनुसार अरु कसैले पनि उम्मेदवारी नदिएको र दाबी विरोध पनि नपरेकाले विश्वकर्मा निर्विरोध निर्वाचित हुनुभएको हो ।
चार नगरपालिका र ६ गाउँपालिकासहित ८१ वडा रहेको इलाममा ९१ जना दलित जनप्रतिनिधि निर्वाचित हुने मुख्य निर्वाचन अधिकृत नवराज दहालले बताउनुभयो ।
