झापामा सयौ एमालेमा प्रवेश गर्दा के भने ओलीले?
काठमाडौँ / चुनावी प्रचार अभियानका क्रममा झापा रहेका नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले दुई नम्बर प्रदेशमा एमाले सबै भन्दा शक्तिशाली पार्टी बन्ने दाबी गरेका छन् । एमालेलाई बढार्ने भन्नेहरुलाई प्रदेश नं. २ मै देखाइदिने चेतावनी समेत दिए ।
उनले एमाले पहिलो शक्ति हुने उदाहरण पेश गर्दै भने– एमालेले सरकारको नेतृत्व गर्दा कसरी काम गर्छ देख्नु भएको छ, अरु पार्टीले सरकारको नेतृत्व गर्दा के के गर्छन् त्यो पनि देख्नु भएको एमाले नेतृत्वमा भएको काम नै परिर्वतनको संवाहक हो’ त्यसकारण अरु पार्टीमा अल्मलिएकालाई पनि एमालेमा आउन आग्रह गरे । देशको समृद्धि र हितका लागि एमालेलाई मतदान गर्न पनि ओलीले आग्रह गरे ।
पहिलो चरणको स्थानीय निर्वाचनमा एमाले पहिलो भएको भन्दै अबको पहिलो शक्ति पनि नेकपा एमाले नै हुने दाबी गरे । उनले निर्वाचनमा हार व्योहोर्नुपर्ने डरले सरकारमा रहेका दलहरुले पटक पटक निर्वाचन सार्ने खेतीमा लागेको उनको आरोप छ।
एमाले राष्ट्रिय स्वाभीमान, लोकतन्त्र र समृद्धिको नेतृत्व गर्ने पार्टी रहेको वताउँदै ओलीले लोकतन्त्रको रक्षाका लागि एमालेमा आवद्ध हुन आग्रह गरे । नेपालमा कुनै समयमा विभेद र असमानता भए पनि संविधानसभाले जारी गरेको संविधानले त्यसलाई अन्त्य गरेको ओलीको भनाई छ । कार्यक्रममा कांग्रेस, माओवादी लगायत पार्टीका सयौं कार्यकर्ता एमाले प्रवेश गरेका थिए । प्रवेश गर्नेहरुलाई धन्यवाद दिदै अब एमालेले मात्र बिकाश गर्ने बताए ।
