वनमा भिषण आगलागी, २५ को ज्यान गयो
काठमाण्डौं । पोर्चुगलको मध्यभागको जंगलमा फैलिएको आगोका कारण कम्तीमा २५ जनाको ज्यान गएको र करिब १२ जना घाइते भएको अधिकारीहरुले बताएका छन्।घाइते हुनेहरुमा केही अग्नि नियन्त्रकहरु पनि रहेको बताइएको छ।
कोइम्ब्रादेखि ५० किलोमिटर दक्षिणपूर्वमा अवस्थित पेद्रोगाओ ग्रान्दे क्षेत्रबाट अन्यत्र कारमा भाग्ने क्रममा अधिकांश मानिसको मृत्यु भएको सरकारले जनाएको छ।
घटनापछि बोल्दै प्रधानमन्त्री एन्टोनिओ कोस्टाले भने, हामीले त्रासदी र वियोगको सामना गरिरहेका छौँ, मृत्यु हुनेको संख्या अझै बढ्न सक्छ ।आगलागीको कारण अहिलेसम्म थाहा हुन सकेको छैन।
