कसको सनकले मारिए,नेपाली भाषी भारतीय ?

नेपाली भाषी भारतीय र बंगाली भाषी बिचको विवाद र गोर्खाल्याण्डको आन्दोलनले आगो बनेको दार्जीलिङ रक्ताभुमीमा परिणत भएको छ।त्यहाकी मुख्य मंत्री ममता बेनार्जीको सनकका कारण गोर्खेहरु चितामा पुग्नु परेको हो।

 

दार्जीलिङमा पुलिसले टीयरग्यास सहित गोली चलाउदा अहिलेसम्म तीन जनाको मृत्यु भइसकेको छ। प्रहरीले गोली नचलाएको बताए पनि सेनाले प्रयोग गर्ने हतियारमा प्रयोग हुने गोली लागेर तीन जनाको ज्यान गएको हो।

मृत्यु हुनेको संख्या बढे पछी स्थानीयहरू आक्रामक बनेका छन्। उनीहरुले धारिलो हतियारले प्रहरीलाई प्रहार गरेका छन्।गोली चलेपछि आक्रोशित आन्दोलनकारीले सिंहमारीमा एक प्रहरीलाई खुकुरी हानेका छन्। मृतक प्रहरीको नाम किरण तामाङ भएको बताइएको छ।