गाईफार्ममा आगलागी, सय भन्दा बढी गाईको मृत्यु

हाम्रो इकोनोमि

काठमाण्डौं । राजधानीको गोकेर्णेश्वर नगरपालिका सुन्दरीजलस्थित एक गाईफार्ममा आगलागी भएको छ ।

गाईफार्ममा आगलागी हुँदा आगोले जलेर सय भन्दा बढी गाई मरेका छन् । शनिबार विहान ११ बजे करेन्ट सर्ट भएर लागेको आगोले फाम भित्र पुरै आगो सल्कीएको थियो । अचानक ओम कृषि फार्ममा आगलागी भएपछि नेपाली सेना र प्रहरीको टोलीको सहयोगमा आगो निभाइसकेको फार्म सञ्चालक बाबुराम कार्कीले जानकारी दिए ।

गाईफार्म ओखलढुंगाका बाबुराम कार्कीले सञ्चालन गरेका थिए । कार्कीले प्रहरीलाई जनाए अनुसार फार्ममा एक सय २२ वटा गाई थिए । आगो सल्किएपछि केही बाहिर निस्कन भ्याएपनि अरु जलेर मरेका थिए ।