चण्डाल चण्डीका कारण उद्योगी बीच मारामार
काठमाडौं । नेपाल उद्योग वाणिज्य महासंघमा व्यवसायीहरुको हक हितमा भन्दा पनि व्यक्तीगत स्वार्थका कामले महत्व पाउन थाले पछी पछिल्ला वर्षदेखि महासंघ चरम विबादमा फसेको छ । प्रायजसो पदाधिकारीले विदेश शयरमा महासंघलाइ प्रयोग गर्न थाले पछि र बिदेशी नियोग र दुताबासले महासंघको नाममा विदेश गएकाहरु उतै लुकेको भनेर तागेता गरे पछि फुटको संघारमा पुगेको महासंघ स्थित स्रोतले जनाएको छ ।
पुर्वअध्यक्ष भई सकेका चण्डीराज ढकालले बैंकबाट ऋण लिई हाल सम्म चुक्ता नगरेपछि कारबाही बच्न महासंघलाई ढाल बनाई आएकै कारण महासंघमा विवादले उग्ररुप लिएको हो । उनी अहिले पनि फरार सूचीमा रहेकै अबस्थामा विशिष्ट सदस्य तथा कार्यकारणी सदस्य पदमा रही अबैधधन्धा चलाउदै आएका छन् । ढकाल आफुलाई महासंघभित्रको राजनीतिक केन्द्रविन्दुको रुपमा रहि रहनकालागि कुनै पनि हर्कत गर्न समेत पछि पर्ने गरेका छैनन् ।
महासंघकी अध्यक्ष भवानी राणा तथा यसअघिका अध्यक्ष पशुपति मुरारका र चण्डीराज ढकालले महासंघलाई नियन्त्रणमा लिएपछि अन्य सदस्यहरु भने समान्तर महासंघ नै गठन गर्नु पर्ने बारे गम्भीर छलफलमा समेत जुटेका छन् । ढकालले जे चायो त्यही महासंघमा विगत केही वर्षदेखि हुने गरेपछि विवाद झन बढ्दै गएको हो । महासंघको विधान परिर्वतन गरेर वरिष्ठ उपाध्यक्षलाई स्वतः अध्यक्ष बनाउने व्यवस्था ल्याउन पनि भवानी राणाले ढकालको नै साथ लिएकी थिइन । ढकालको साथले नै उक्त विधान पारित भएको थियो ।
